୮୦୦ ପଏଣ୍ଟ ଖସିଲା ସେନ୍‌ସେକ୍ସ

0
Advertisement


ମୁମ୍ବାଇ,୧୮-୩ : ଦେଶର ପୁଞ୍ଜିବଜାରରେ କରୋନା ଆତଙ୍କ ଲାଗି ରହିଛି। ମଙ୍ଗଳବାର ମଧ୍ୟ ସେନ୍‌ସେକ୍ସରେ ଏହାର ନକାରାତ୍ମକ ପ୍ରଭାବ ପରିଲକ୍ଷିତ ହୋଇଛି। କରୋନା ଯୋଗୁ ମାନ୍ଦାବସ୍ଥା ସ୍ଥିତି ଉଜୁଜିବା ଆଶଙ୍କା ରହିଥିବାରୁ ନିବେଶକ ଛାନିଆ ହୋଇ ରହିଥିବାରୁ ପୁଞ୍ଜିବଜାରରେ ଏହାର ପ୍ରଭାବ ରହିଛି। ମଙ୍ଗଳବାର ମଧ୍ୟରେ ସେନ୍‌ସେକ୍ସ କାରବାରରେ କିଛିଟା ଉନ୍ନତି ଆସିଥିବା ବେଳେ ଶେଷ ପର୍ଯ୍ୟାୟ ଟ୍ରେଡ୍‌ରେ କାରବାର ହଠାତ୍‌ ଖସିଯାଇଛି। ମଙ୍ଗଳବାର ସେନ୍‌ସେକ୍ସ ୮୧୦.୯୮ ପଏଣ୍ଟ ବା ୨.୫୮% ଖସି ୩୦,୫୭୯.୦୯ ପଏଣ୍ଟରେ କାରବାର ବନ୍ଦ ହୋଇଛି। ସେହିଭଳି ନିଫ୍ଟି କାରବାର ୨୩୦.୩୫ ପଏଣ୍ଟ ୨.୫୦% ନିମ୍ନରେ ରହି ୮,୯୬୭.୦୫ ପଏଣ୍ଟ ସ୍ତରରେ ବନ୍ଦ ହୋଇଛି। ମାର୍ଚ୍ଚ ୨୦୧୭ରେ ନିଫ୍ଟି ୯୦୦୦ ପଏଣ୍ଟ ତଳକୁ ଖସିଥିଲା। ବିଦେଶୀ ନିବେଶକମାନେ ସେମାନଙ୍କ ନିବେଶ କାଢିନେଉଥିବା ବେଳେ ଡଲାର ତୁଳନାରେ ଦୁର୍ବଳ ଟଙ୍କା ଘରୋଇ ବଜାର ଲାଗି କ୍ଷତିକାରକ ହେଉଛି। ସେନ୍‌ସେକ୍ସରେ ମଙ୍ଗଳବାର ଆଇସିଆଇସିଆଇ ବ୍ୟାଙ୍କ କାରବାର ସର୍ବାଧିକ ପ୍ରଭାବିତ ହୋଇଛି। ଅନ୍ୟ ପ୍ରଭାବିତ ଷ୍ଟକ୍‌ ମଧ୍ୟରେ ଇଣ୍ଡସଇଣ୍ଡ ବ୍ୟାଙ୍କ, ବଜାଜ ଫାଇନାନ୍ସ, ଏଚ୍‌ଡିଏଫ୍‌ସି ବ୍ୟାଙ୍କ, ଇନ୍‌ଫୋସିସ୍‌, କୋଟାକ ବ୍ୟାଙ୍କ ଭଳି ଅନ୍ୟ କିଛି କମ୍ପାନୀ ରହିଛି।
ବିଏସ୍‌ଇର ମିଡ୍‌ କ୍ୟାପ ଏବଂ ସ୍ମଲ କ୍ୟାପ ସୂଚୀ ୨.୨୭% ନିମ୍ନରେ ରହିଛି। ଏହାବାଦ ଏସିଆର ଅନ୍ୟ ବଜାର ମଧ୍ୟରେ ସାଂଘାଇ,ସିଓଲ ମଧ୍ୟ ନକାରାତ୍ମକ କାରବାର ସ୍ଥିତିରେ ରହିଛନ୍ତି। ଏହାବାଦ ହଂକଂ ଏବଂ ଟୋକିଓ ଶେୟାର ବଜାରରେ କାରବାର ଉନ୍ନତ ରହିଛି। ୟୁରୋପରେ ଶେୟାର କାରବାର ୩% ଖସିଯାଇଛି। ଭାରତୀୟ ଶେୟାର ବଜାରରେ ଦିନ ମଧ୍ୟରେ ଡଲାର ତୁଳନାରେ ଟଙ୍କା ଫ୍ଲାଟ ୭୪.୨୦ ସ୍ତରରେ ରହିଥିଲା। ବମ୍ବେ ଷ୍ଟକ୍‌ ଏକ୍ସଚେଞ୍ଜର ବ୍ୟାଙ୍କିଙ୍ଗ୍‌, ଫାଇନାନ୍ସ, ଟେଲିକମ୍‌, ଟେକ୍‌, ଆଇଟି ଏବଂ ରିୟଲିଟି ସୂଚୀ ୪.୪୬% ଉଚ୍ଚରେ ରହିଥିବା ବେଳେ ଏଫ୍‌ଏମ୍‌ସିଜି କାରବାର ଉନ୍ନତ ରହିଛି। କରୋନା ପ୍ରଭାବକୁ ରୋକିବା ଲାଗି ଅଧିକ ପଦକ୍ଷେପ ନେବାର ଆବଶ୍ୟକତା ରହିଛି ବୋଲି ଜିଓଜିତ ଫାଇନାନ୍ସିଆଲ ସର୍ଭିସର ରିସର୍ଚ୍ଚ ମୁଖ୍ୟ ବିନୋଦ ନାୟାର କହିଛନ୍ତି।

The post ୮୦୦ ପଏଣ୍ଟ ଖସିଲା ସେନ୍‌ସେକ୍ସ appeared first on Dharitri Odia News.



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here