୨ୟ ଟେଷ୍ଟ: ଭୁଶୁଡ଼ିଲା ମିଡିଲ ଅର୍ଡର, ଭାରତ ୨୪୨ରେ ଅଲଆଉଟ୍‌

0
Advertisement


କ୍ରିଷ୍ଟଚର୍ଚ୍ଚ: ନ୍ୟୁଜିଲାଣ୍ଡ ବିପକ୍ଷ ୨ୟ ଟେଷ୍ଟରେ ଭାରତର ବ୍ୟାଟିଂ ବିଫଳତା ପୁଣି ଥରେ ପଦାରେ ପଡ଼ିଛି। ଆରମ୍ଭରୁ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିବା ଟିମ୍‌ ଇଣ୍ଡିଆ ମାତ୍ର ୬୩ ଓଭର ଖେଳିପାରି ୨୪୨ ରନରେ ଅଲଆଉଟ୍‌ ହୋଇଯାଇଛି। ଓପନିଂ ଏବଂ ମିଡିଲ ଅର୍ଡର ଭୁଶୁଡ଼ି ପଡ଼ିବା କାରଣରୁ ଦଳ ନ୍ୟୁଜିଲାଣ୍ଡ ସମ୍ମୁଖରେ ବଡ଼ ସ୍କୋର ଛିଡ଼ା କରିବାରେ ବିଫଳ ହୋଇଛି। ପୃଥ୍ବୀ ଶ, ହୁନମା ବିହାରୀ ଏବଂ ଚେତେଶ୍ଵର ପୂଜାରାଙ୍କ ଅର୍ଦ୍ଧଶତକ ଭାରତକୁ ସମ୍ମାନଜନକ ସ୍କୋର କରିବାରେ ସହାୟକ ହୋଇପାରି ନାହିଁ।

ଭାରତ ପ୍ରଥମେ ବ୍ୟାଟିଂ କରି ବିପର୍ଯ୍ୟୟର ସାମ୍ନା କରିଥିଲା। ୧୧୩ ରନରେ ଦଳ ୪ ୱିକେଟ ହରାଇବା ପରେ ପୂଜାରା ଏବଂ ହନୁମା ବିହାରୀ ଦଳର ସ୍ଥିତିକୁ ସୁଧାରିଥିଲେ। ମାତ୍ର ୧୯୪ ରନରେ ହନୁମା ବିହାରୀ ଆଉଟ୍‌ ହୋଇଯିବା ପରେ ଟିମ୍‌ର ମେରୁଦଣ୍ଡ ଭାଙ୍ଗିଯାଇଥିଲା। ନିୟମିତ ବ୍ୟବଧାନରେ ଗୋଟିଏ ପରେ ଗୋଟିଏ ୱିକେଟ୍‌ ହରାଇ ଚାଲିବା ଫଳରେ ଦଳ ୨୪୨ ରନରେ ସୀମିତ ହୋଇଯାଇଥିଲା। ହନୁମାଙ୍କ ପରେ ପୂଜାରା ବି ବେଶି ସମୟ ତିଷ୍ଠି ରହିପାରି ନ ଥିଲେ। ମାତ୍ର ୪୮ ରନ୍‌ରେ ଦଳ ଶେଷ ୬ଟି ୱିକେଟ୍‌ ହରାଇଥିଲା। ଶ’ ୫୩, ପୂଜାରା ୫୪ ଏବଂ ହନୁମା ୫୫ ରନ୍‌ କରିଥିଲେ। ନ୍ୟୁଜିଲାଣ୍ଡ ବୋଲର କାଇଲ ଜାମିଶନ ଭାରତ ପାଇଁ ସବୁଠୁ ବେଶି ଘାତକ ସାବ୍ୟସ୍ତ ହୋଇଥିଲେ। ସେ ଏକା ଟିମ୍‌ ଇଣ୍ଡିଆର ୫ଟି ୱିକେଟ ଅକ୍ତିଆର କରି ଦଳକୁ ବିପର୍ଯ୍ୟୟ ମୁହଁକୁ ଠେଲି ଦେଇଥିଲେ। ସେହିପରି ଟିମ୍‌ ସୌଥି ଏବଂ ଟ୍ରେଣ୍ଟ ବୋଲ୍ଟ ୨ଟି ଲେଖାଏ ଓ ନିଲ୍‌ ୱାଗନର ୧ଟି ୱିକେଟ୍‌ ନେଇଥିଲେ।

ପ୍ରଥମ ଦିନରେ ଆହୁରି ୨୭ ଓଭର ଖେଳ ବାକି ଥିବାରୁ ନ୍ୟୁଜିଲାଣ୍ଡ ବ୍ୟାଟିଂ ଆରମ୍ଭ କରିଛି। ଦଳ ବିନା କୌଣସି ସ୍ବିକେଟ୍‌ ହରାଇ ୧୮ ରନ୍‌ ସଂଗ୍ରହ କରିଥିବାବେଳେ ଓପନର ଯୋଡ଼ି ଟମ ଲଥାମ ଓ ଟମ୍ ବ୍ଲଣ୍ଡେଲ କ୍ରିଜରେ ଉପସ୍ଥିତ ଅଛନ୍ତି।



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here