ୟେସ ବ୍ୟାଙ୍କରୁ ଜମା ଉଠାଣ ଲାଗି ପୁରୀ ଜଗନ୍ନାଥ ମନ୍ଦିରକୁ କେନ୍ଦ୍ର ଅନୁମତି ଦେବା ଉଚିତ: ପ୍ରସନ୍ନ ଆଚାର୍ଯ୍ୟ

0
Advertisement


ସମାଜ ପୋର୍ଟାଲ ଡେସ୍କ: ୟେସ ବ୍ୟାଙ୍କ ଦେବାଳିଆ ହେବା ଏଵଂ ତାର ପରିଚାଳନା ଭାର ରିଜର୍ଭ ବ୍ୟାଙ୍କ ଅଧୀନକୁ ଯିବା ପରେ ପୁରୀ ଶ୍ରୀ ଜଗନ୍ନାଥ ମନ୍ଦିରର ସେହି ବ୍ୟାଙ୍କରେ ଥିବା ଜମା ଟଙ୍କାକୁ ନେଇ ରାଜ୍ୟରେ ରାଜନୈତିକ ବିବାଦ ବଢ଼ିବାରେ ଲାଗିଛି। ତେବେ ବିଜୁ ଜନତା ଦଳ ଉପସଭାପତି ପ୍ରସନ୍ନ ଆଚାର୍ଯ୍ୟ ସୋମବାର କେନ୍ଦ୍ର ଅର୍ଥମନ୍ତ୍ରୀଙ୍କୁ ଅନୁରୋଧ କରିଛନ୍ତି ଯେ ପୁରୀ ଜଗନ୍ନାଥ ମନ୍ଦିରର ପାଣ୍ଠି ସର୍ବସାଧାରଣଙ୍କର ତେଣୁ ପ୍ରଶାସନକୁ ସେହି ଅର୍ଥ ଉଠାଇବା ଲାଗି ଅନୁମତି ଦିଆଯାଉ। ରାଜ୍ୟ ଅର୍ଥମନ୍ତ୍ରୀ ନିରଞ୍ଜନ ପୂଜାରୀଙ୍କୁ ସମର୍ଥନ କରି ସେ କହିଛନ୍ତି ଯେ ସେ ଏହି ପ୍ରସଙ୍ଗରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ହସ୍ତକ୍ଷେପ ଲୋଡିବା ପଦକ୍ଷେପ ଆବଶ୍ୟକ ଥିଲା।

ପ୍ରସନ୍ନ କହିଛନ୍ତି, “ଏହା ଅତ୍ୟନ୍ତ ବିପଜ୍ଜନକ ପରିସ୍ଥିତି ଏବଂ ଆମ ଅର୍ଥମନ୍ତ୍ରୀ କେନ୍ଦ୍ର ଅର୍ଥମନ୍ତ୍ରୀଙ୍କୁ ଚିଠି ଲେଖି ଜଗନ୍ନାଥ ମନ୍ଦିର ଟ୍ରଷ୍ଟକୁ ୟେସ ବ୍ୟାଙ୍କରେ ଜମା ହୋଇଥିବା ଟଙ୍କା ଉଠାଣ କରିବାକୁ ଅନୁମତି ଦେବା ଉଚିତ। ଏହି ଟଙ୍କା ହଜାର ହଜାର ଭକ୍ତଙ୍କର ଅଟେ।” ସେ ଆହୁରି ମଧ୍ୟ କହିଛନ୍ତି ଯେ ୟେସ ବ୍ୟାଙ୍କ ସଙ୍କଟ ଜମାକାରୀଙ୍କ ଆତ୍ମବିଶ୍ୱାସକୁ ଭାଙ୍ଗି ଦେବ। ଏଭଳି ପରିସ୍ଥିତି ପାଇଁ ସେ କେନ୍ଦ୍ର ସରକାର ଏବଂ ରିଜର୍ଭ ବ୍ୟାଙ୍କର ବିଫଳତାକୁ ଦାୟୀ କରିଛନ୍ତି ଏବଂ କୌଣସି ମନିଟରିଂ ବ୍ୟବସ୍ଥା ନ ଥିବା ସେ କହିଛନ୍ତି।

୮ ମାର୍ଚ୍ଚରେ ରାଜ୍ୟ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ କେନ୍ଦ୍ର ଅର୍ଥମନ୍ତ୍ରୀ ସୀତାରମଣଙ୍କୁ ପତ୍ର ଲେଖି ଅବଗତ କରାଇଥିଲେ ଯେ ମନ୍ଦିର ସମ୍ବନ୍ଧୀୟ ବିଭିନ୍ନ ପାଣ୍ଠି – ଫାଉଣ୍ଡେସନ ଫଣ୍ଡ, କର୍ପସ ଫଣ୍ଡ ଏବଂ ମନ୍ଦିର ଫଣ୍ଡ ଆଦି ମନ୍ଦିର ପରିଚାଳନା କମିଟି ଦ୍ୱାରା ପରିଚାଳିତ ହେଉଛି। ଏହି ପାଣ୍ଠି ମଧ୍ୟରୁ ୟେସ ବ୍ୟାଙ୍କ, ପୁରୀରେ ୫୪୫ କୋଟି ଟଙ୍କା ଜମା କରାଯାଇଛି। ତେଣୁ ପ୍ରଭୁ ଜଗନ୍ନାଥଙ୍କ ଲକ୍ଷ ଲକ୍ଷ ଭକ୍ତଙ୍କ ସ୍ୱାର୍ଥରେ ୟେସ ବ୍ୟାଙ୍କରେ ଥିବା ଜମା ରାଶି ଛାଡିବାକୁ ଅନୁମତି ଦେବାକୁ ଆରବିଆଇକୁ ଦୟାକରି ନିର୍ଦ୍ଦେଶ ଦିଅନ୍ତୁ ବୋଲି ଅନୁରୋଧ କରିଥିଲେ। ଏହା ପୂର୍ବରୁ ରିଜର୍ଭ ବ୍ୟାଙ୍କ କହିଥିଲା ​​ଯେ ଆରବିଆଇର ଲିଖିତ ଅନୁମତି ବିନା, କୌଣସି ଜମାକାରୀଙ୍କୁ ମାସିକ ୫୦ ହଜାରରୁ ଅଧିକ ଟଙ୍କା ଦେୟ ପ୍ରଦାନ କରାଯିବ ନାହିଁ।



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here