‘ସୌଦି ରାଜା ମୃତ କିମ୍ବା ମୃତ୍ୟୁଶଯ୍ୟାରେ’

0
Advertisement


ରିୟାଧ,୯ା୩(ଆଇଏଏନ୍‌ଏସ୍‌): ସୌଦି ଆରବରେ ବିଦ୍ରୋହ ଉଦ୍ୟମ ଅଭିଯୋଗରେ ରାଜ ପରିବାରର ୩ ଜଣଙ୍କୁ ଅଟକ ରଖାଯିବା ପରେ ୮୪ ବର୍ଷୀୟ ରାଜାଙ୍କ ସ୍ବାସ୍ଥ୍ୟାବସ୍ଥାକୁ ନେଇ କଳ୍ପନାଜଳ୍ପନା ପ୍ରକାଶ ପାଇଛି। ଫଳରେ ରବିବାର ରାଜା ସଲ୍‌ମାନଙ୍କ ଫଟୋ ଛଡ଼ାଯାଇଛି। ଫଟୋରେ ରାଜା ୟୁକ୍ରେନ ଓ ଉରୁଗୁଏ ପାଇଁ ନିଯୁକ୍ତ ନୂଆ ରାଷ୍ଟ୍ରଦୂତଙ୍କ ଶପଥ ଉତ୍ସବରେ ପୌରୋହିତ୍ୟ କରୁଥିବା ଦେଖାଯାଇଛି। ଅନ୍ୟପକ୍ଷରେ ରାଜା ସମ୍ଭବତଃ ମୃତ କିମ୍ବା ମୃତ୍ୟୁଶଯ୍ୟାରେ ବୋଲି ଟୁଇଟର ଆକ୍ଟିଭିଷ୍ଟ ତଥା ସୌଦି ହ୍ବିସିଲ୍‌ବ୍ଲୋୟର ମୁଜ୍‌ତାହିଦ ଦାବି କରିଛନ୍ତି। ଇରାନର ଏକ ଗଣମାଧ୍ୟମ ଏହା ପ୍ରକାଶ କରିଛି। ବିଦ୍ରୋହ ଆଶଙ୍କାରେ ଶନିବାର ରାଜାଙ୍କ ଭାଇ ପ୍ରିନ୍ସ ଅହମଦ ବିନ୍‌ ଅବଦୁଲାଜିଜ୍‌ ଅଲ୍‌-ସୌଦ୍‌ ଏବଂ ପୁତୁରା ପ୍ରିନ୍ସ ମହମ୍ମଦ ବିନ୍‌ ନାୟେଫ୍‌ଙ୍କ ସମେତ ୩ ଜଣଙ୍କୁ ସୌଦି କର୍ତ୍ତୃପକ୍ଷ ଅଟକ ରଖିବା ଖବର ପ୍ରକାଶ ପାଇବା ପରେ ମୁଜତାହିଦ ଉପରୋକ୍ତ ପୋଷ୍ଟ କରିଛନ୍ତି। ରାଜାଙ୍କ ସ୍ବାସ୍ଥ୍ୟାବସ୍ଥା ଭଲ ନ ଥିବାରୁ ସେ ବାହାରକୁ ଯାଇପାରୁନାହାନ୍ତି ବୋଲି ରାଜପ୍ରାସାଦ କର୍ମଚାରୀ ଓ ସୁରକ୍ଷା କର୍ମୀଙ୍କଠାରୁ ଜଣାପଡିଛି। ତେଣୁ ରାଜାଙ୍କ ତରଫରୁ କ୍ରାଉନ ପ୍ରିନ୍ସ ମହମ୍ମଦ ବିନ୍‌ ସଲମାନ ରାଜାଙ୍କ ପଦତ୍ୟାଗ ଓ ନିଜକୁ ତାଙ୍କର ଉତ୍ତରାଧିକାରୀ ଘୋଷଣା କରିପାରନ୍ତି ବୋଲି ହ୍ବିସିଲବ୍ଲୋୟର କହିଛନ୍ତି।

The post ‘ସୌଦି ରାଜା ମୃତ କିମ୍ବା ମୃତ୍ୟୁଶଯ୍ୟାରେ’ appeared first on Dharitri Odia News.



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here