ସିଏଏକୁ ୧୦୦ ବର୍ଷ ପୁରୁଣା ବ୍ରିଟିଶ ସରକାରର ରଓଲତ ଆକ୍ସ ସହ ତୁଳନା କଲେ ଊର୍ମିଳା

0
Advertisement


ନୂଆଦିଲ୍ଲୀ: ନାଗରିକତା ସଂଶୋଧନ ଆଇନ(ସିଏଏ)କୁ ୧୦୦ ବର୍ଷ ପୁରୁଣା ବ୍ରିଟିଶ ସରକାରର ରଓଲତ ଆକ୍ଟ ସହିତ ତୁଳନା କରିଛନ୍ତି ବଲିଉଡ୍‌ ଅଭିନେତ୍ରୀ ଊର୍ମିଳା ମାତୋଣ୍ଡକର। ଗାନ୍ଧିଜୀଙ୍କ ପୂଣ୍ୟତିଥି ଅବସରରେ ନନ୍‌ଭାୟୋଲେଣ୍ଟ ପିପୁଲ୍ସ ମୁଭମେଣ୍ଟ ପକ୍ଷରୁ ସିଏଏ ଏବଂ ଏନଆରସି ବିରୋଧରେ ଆୟୋଜିତ ଏକ ବୈଠକରେ ଯୋଗଦେବା ଅବସରରେ ଊର୍ମିଳା ଏହା କହିଛନ୍ତି।

ଊର୍ମିଳା କହିଥିଲେ, ୧୯୧୯ର ରଓଲତ ଆକ୍ଟ ଏବଂ ୨୦୧୯ର ସିଏଏ ଇତିହାସର ୨ଟି ‘କଳା ଆଇନ’। ସିଏଏ ଗରିବ ଏବଂ ମୁସଲମାନ ବିରୋଧୀ। ଆମେ ଏଭଳି ଆଇନ ଚାହୁଁନାହୁଁ, ଯାହା ଧର୍ମ ଆଧାରରେ ମୋର ପରିଚୟ ଏବଂ ନାଗରିକତାକୁ ଆକଳନ କରିବ। କେହି ଧର୍ମ, ଭାଷା, ଲିଙ୍ଗ ଏବଂ ଅଞ୍ଚଳର ଆଧାରରେ ଭେଦଭାବ କରିପାରି​‌ବେ ନାହିଁ ବୋଲି ଆମ୍ବ ସମ୍ବିଧାନଲରେ ଉଲ୍ଲେଖ ରହିଥିବା ଊର୍ମିଳା କହିଥିଲେ।

ରଓଲତ ଆଇନ କ’ଣ ?

ରଓଲତ ଆକ୍ଟକୁ କଳା ଆଇନ କୁହାଯାଏ। ବ୍ରିଟିଶ ଶାସନ ସମୟରେ ଭାରତରେ ମୁଣ୍ଡ ଟେକୁଥିବା ରାଷ୍ଟ୍ରୀୟ ଆନ୍ଦୋଳନକୁ ଦବେଇ ରଖିବା ଲାଗି ଏହି ଆଇନ କରାଯାଇଥିଲା। ସାର୍‌ ସିଡ୍‌ନୀ ରଓଲତଙ୍କ ଅଧ୍ୟକ୍ଷତାରେ ଗଠିତ ଦେଶଦ୍ରୋହ କମିଟିର ସୁପାରିସକ୍ରମେ ଏହି ଆଇନ ଅଣାଯାଇଥିଲା।

ଏହି ଆଇନ ବ୍ରିଟିଶ ସରକାରକୁ କୋର୍ଟରେ ବିନା ମାମଲା ରୁଜୁ କରି ଯେକୌଣସି ଭାରତୀୟଙ୍କୁ ଜେଲରେ ବନ୍ଦୀ ରଖି ପାରିବାର କ୍ଷମତା ପ୍ରଦାନ କରିଥିଲା। ଏପରି କି ଏହି ଆଇନ ଅଧୀନରେ ଅପରାଧୀକୁ ତା’ ବିରୋଧରେ କିଏ ଅଭିଯୋଗ କରିଛି ତାହା ବି ଜାଣିବାର ଅଧିକାର ନ ଥିଲା। ଗାନ୍ଧିଜୀଙ୍କ ନେତୃତ୍ଵରେ ପୂରା ଦେଶରେ ଏହି ଆଇନକୁ ତୀବ୍ର ବିରୋଧ କରାଯାଇଥିଲା।



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here