ଶାହିନବାଗରେ ୪ ମାସର ଶିଶୁ ମୃତ୍ୟୁ ଘଟଣା; କେନ୍ଦ୍ର ଓ ଦିଲ୍ଲୀ ସରକାରକୁ ସୁପ୍ରିମକୋର୍ଟ ନୋଟିସ

0
Advertisement


ନୂଆଦିଲ୍ଲୀ: ନାଗରିକତା ସଂଶୋଧନ ଆଇନ(ସିଏଏ) ବିରୋଧରେ ଶାହିନବାଗରେ ଚାଲିଥିବା ଆନ୍ଦୋଳନ ସମୟରେ ଜଣେ ୪ମାସର ଶିଶୁର ମୃତ୍ୟୁ ଘଟିଥିଲା। ଏହି ଘଟଣା ବିଷୟରେ ସୁପ୍ରିମକୋର୍ଟ ଅବଗତ ହେବା ପରେ ଏହାର ଶୁଣାଣି କରିଛନ୍ତି। ସୋମବାର ସୁପ୍ରିମକୋର୍ଟ ମାମଲାର ଶୁଣାଣି କରି କେନ୍ଦ୍ର ଏବଂ ଦିଲ୍ଲୀ ସରକାରଙ୍କୁ ନୋଟିସ ଜାରି କରିଛନ୍ତି।

ଶୁଣାଣି ସମୟରେ ସୁପ୍ରିମକୋର୍ଟ ଆବେଦନକାରୀଙ୍କ ଓକିଲଙ୍କୁ ପ୍ରଶ୍ନ କରିଥିଲେ ଯେ, ଶିଶୁର ମୃତ୍ୟୁ ପାଇଁ ସରକାର କିପରି ଦାୟୀ ହେବେ ? କୋର୍ଟ ଓକିଲଙ୍କୁ ଆହୁରି ପ୍ରଶ୍ନ କରିଥିଲେ ଯେ, ୪ ମାସର ପିଲା କ’ଣ ଏଭଳି ବିକ୍ଷୋଭ ପ୍ରଦର୍ଶନରେ ଅଂଶଗ୍ରହଣ କରିପାରିବ ? ସଲିସିଟର ଜେନେରାଲ ତୁଷାର ମେହେଟ୍ଟା କହିଥିଲେ ଯେ, ୪ ମାସର ଶିଶୁକୁ ବିକ୍ଷୋଭ ସ୍ଥଳକୁ ନେଇ ଯିବା ଉଚିତ ନ ଥିଲା। ଅନ୍ୟପଟେ ଆନ୍ଦୋଳନରେ ସାମିଲ ହୋଇଥିବା ପିଲାମାନଙ୍କୁ ସେମାନଙ୍କ ସ୍କୁଲରେ ‘ପାକିସ୍ତାନୀ’ ଏବଂ ‘ରାଷ୍ଟ୍ର ବିରୋଧୀ’ କୁହାଯାଉଥିବା ନେଇ ଆବେଦନକାରୀଙ୍କ ଓକିଲ କହିଥିଲେ। ଏହା ଉପରେ ସୁପ୍ରିମକୋର୍ଟ ଦୁଃଖପ୍ରକାଶ କରିଥିଲେ। ସମ୍ପୂର୍ଣ୍ଣ ଘଟଣାରେ ଜବାବ ଦେବା ଲାଗି ପ୍ରଧାନ ବିଚାରପତି ଏସ. ଏ. ବୋବଡେ, ବିଚାରପତି. ବି.ଆର. ଗୱଇ ଏବଂ ବିଚାରପତି ସୂର୍ଯ୍ୟକାନ୍ତଙ୍କୁ ନେଇ ଗଠିତ ଖଣ୍ଡପୀଠ କେନ୍ଦ୍ର ଏବଂ ଦିଲ୍ଲୀ ସରକାରଙ୍କୁ ନୋଟିସ ଜାରି କରିଛନ୍ତି।

ସୂଚନାଯୋଗ୍ୟ, ଶାହିନବାଗରେ ସିଏଏ ବିରୋଧୀ ଆନ୍ଦୋଳନରେ ସାମିଲ ହୋଇଥିବା ଏକ ଦମ୍ପତି ନିଜର ଏହି ୪ ମାସର ଶିଶୁକୁ ଧରି ଧାରଣା ଦେଇଥିଲେ। ପ୍ରବଳ ଥଣ୍ଡା ଯୋଗୁ ଶିଶୁଟି ଅସୁସ୍ଥ ହୋଇପଡ଼ିଥିଲା। ତା’କୁ ହସ୍ପପିଟାଲରେ ଭର୍ତ୍ତି କରାଯାଇଥିଲା।​‌ ସେଠାରେ ଚିକିତ୍ସାଧୀନ ଅବସ୍ଥାରେ ତା’ର ମୃତ୍ୟୁ ଘଟିଥିଲା।



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here