ରାଜ୍ୟଗୁଡ଼ିକୁ ପାଣ୍ଠି ଯୋଗାଣ ହ୍ରାସ ହେବନି – ସୀତାରମଣ

0
Advertisement


ଚେନାଇ: ରାଜ୍ୟଗୁଡ଼ିକୁ ଦିଆଯାଉଥିବା ପାଣ୍ଠି କମ କରିବାର କେନ୍ଦ୍ର ସରକାରଙ୍କ କୌଣସି ଯୋଜନା ନାହିଁ ବୋଲି କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣ କହିଛନ୍ତି। ଚେନାଇଠାରେ ଏକ ସାମ୍ବାଦିକ ସମ୍ମିଳନୀରେ ସୀତାରମଣ କହିଛନ୍ତି, ଚତୁର୍ଦଶ ଅର୍ଥ କମିଶନଙ୍କ ଅନୁମୋଦନ ଅନୁଯାୟୀ ରାଜ୍ୟଗୁଡ଼ିକୁ ପାଣ୍ଠି ଯୋଗାଇ ଦିଆଯାଉଛି ଓ ଏବେ ପଂଚଦଶ ଅର୍ଥ କମିଶନଙ୍କ ସୁପାରିଶ ଅନୁଯାୟୀ ପାଣ୍ଠି ଦିଆଯିବ ଓ ସେଥିରେ କୌଣସି କାଟ କରିବା ଯୋଜନା ନାହିଁ। ଅନ୍ୟ ପକ୍ଷରେ ତାମିଲନାଡୁର ଜିଏସଟି ଭାଗ ଦୁଇ ଥରରେ ଯୋଗାଇ ଦିଆଯିବ ବୋଲି ସେ କହିଛନ୍ତି। ଅର୍ଥ ମନ୍ତ୍ରୀ ଓ ଅର୍ଥ ମନ୍ତ୍ରାଳୟର ଅଧିକାରୀମାନେ ଦେଶର ବିଭିନ୍ନ ସ୍ଥାନରେ ଶିଳ୍ପପତି ଓ ଅନ୍ୟମାନଙ୍କ ସହ ବଜେଟ ସମ୍ପର୍କରେ ମତାମତ ସଂଗ୍ରହ ପାଇଁ ଆଲୋଚନା ପରିପ୍ରେକ୍ଷୀରେ ତାମିଲନାଡୁରେ ଆଜି ସାମ୍ବାଦିକ ସମ୍ମିଳନୀରେ ଅର୍ଥ ବିଭାଗ ଏହି ତଥ୍ୟ ଉପସ୍ଥାପନ କରିଛନ୍ତି।

ଅଣୁ, କ୍ଷୁଦ୍ର ଓ ମଧ୍ୟମ ଧରଣର ଉଦ୍ୟୋଗଗୁଡିକୁ ଯୋଗାଇ ଦିଆଯାଉଥିବା ପାଣ୍ଠି ସମ୍ପର୍କରେ ସୀତାରମଣ କହିଛନ୍ତି ଯେ ଗତ ବର୍ଷ ସେପ୍ଟେମ୍ବର, ଅକ୍ଟୋବର ଓ ନଭେମ୍ବରରେ ସମସ୍ତ ବକେୟା ଦେବା ପାଇଁ ଚେଷ୍ଟା କରାଯାଇଥିଲା ଓ ଏବେ ସୁଦ୍ଧା ୬୦ ପ୍ରତିଶତ ଅର୍ଥ ଦିଆଯାଇଛି। ଏହି ସମ୍ମିଳନୀରେ ଉପସ୍ଥିତ ଥିବା ଅର୍ଥ ସଚିବ ରାଜୀବ କୁମାର କହିଛନ୍ତି, କୃଷି କ୍ଷେତ୍ରର ବିକାଶକୁ ଚଳିତ ବଜେଟରେ ଫୋକସ କରାଯାଇଛି। ସେ କହିଛନ୍ତି ଯେ କୃଷି କ୍ଷେତ୍ରକୁ ଏହି ବଜେଟରେ ୨ ଲକ୍ଷ ୮୩ ହଜାର କୋଟି ଟଙ୍କା ଵ୍ୟଵସ୍ଥା କରାଯାଇଛି। ଏଥିରେ ଜଳ ଅଭାବ ଜିଲା ସମେତ ଅନ୍ୟାନ୍ୟ କୃଷି କାର୍ଯ୍ୟ ପାଇଁ ପଛୁଆ ଜିଲ୍ଲାଗୁଡିକରେ ପାଣ୍ଠି ଖର୍ଚ୍ଚ କରାଯିବ। ସେ କହିଛନ୍ତି, ପୂର୍ବରୁ ୧୨ ଲକ୍ଷ କୋଟିକୁ ବୃଦ୍ଧି କରାଯାଇ ଏଥର ଋଣ ପରିମାଣ ୧୫ ଲକ୍ଷ କୋଟି ଟଙ୍କା କରାଯାଇଛି। ଆସନ୍ତା ରବିବାର କୋଲକାତାରେ ଏଭଳି ଆଲୋଚନା କରାଯିବ ବୋଲି ସୂଚନା ମିଳିଛି।



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here