‘ମେଁ ଦୁଙ୍ଗା ଆଜାଦି’ ବୋଲି ଚିତ୍କାର କରି ଜାମିଆ ଛାତ୍ରଙ୍କ ସିଏଏ ବିରୋଧି ରାଲି ସମୟରେ ଗୁଳି ଫୁଟାଇଲେ ଯୁବକ, ଜଣେ ଆହତ

0
Advertisement


ନୂଆଦିଲ୍ଲୀ: ଗୁରୁବାର ସିଏଏ ବିରୋଧରେ ଜାମିଆ ମିଲିଆ ଇସଲାମିଆର ଛାତ୍ରମାନେ ଏକ ପ୍ରତିବାଦ ରାଲି କରୁଥିବା ବେଳେ ଜଣେ ଅପରିଚିତ ଯୁବକ ଗୁଳିଚାଳନା କରିଥିବା ଦେଖିବାକୁ ମିଳିଛି।  ଜାମିଆ ଛାତ୍ରମାନଙ୍କ ରାଲି ନିକଟକୁ ଆସି ଉକ୍ତ ଯୁବକ ବଡ଼ ପାଟିରେ ଚିତ୍କାର କରି କହିଥିଲେ- ‘କାହାକୁ ସ୍ବାଧୀନତା ଦରକାର? ମୁଁ ଦେବି ସ୍ବାଧୀନତା।’ ଏହା କହି ସାରି ସେ ଏକ ପିସ୍ତଲ କାଢ଼ି ଗୁଳିଚାଳନା କରିଥିଲେ। ଫଳରେ ଜଣେ ଛାତ୍ର ଆହତ ହୋଇଥିବା ସୂଚନା ରହିଛି।

ମହାତ୍ମା ଗାନ୍ଧୀଙ୍କ ପବିତ୍ର ତିଥି ଅବସରରେ ଜାମିଆ ମିଲିଆ ଇସଲାମିଆର ଛାତ୍ରମାନେ ଦିଲ୍ଲୀର ଜାମିଆ ଅଞ୍ଚଳରୁ ସିଏଏ  ଏବଂ ଏନଆରସି  ବିରୋଧରେ ଏକ ରାଲି ବାହାର କରି ରାଜଘାଟ ଆଡ଼କୁ ଯାଉଥିବା ବେଳେ ଏହି ଘଟଣା ଘଟିଛି। ଏହାପରେ ଗୁଳିଚାଳନା କରିଥିବା ଯୁବକଙ୍କୁ ପୁଲିସ ଗିରଫ କରି ନେଇଛି । ଗିରଫଦାରି ପ‌ରେ ଯୁବକ ଜଣକ ନିଜ ନାମ ଗୋପାଳ ବୋଲି କହୁଥିବା ବେଳେ ତାଙ୍କ ପରିଚୟ ନେଇ ପୁଲିସ ତଦନ୍ତ କରୁଛି। ଏହି ଘଟଣାର ଭିଡିଓ ଭାଇରାଲ୍ ହୋଇଛି।

ଅନ୍ୟ ପକ୍ଷରେ ଆଜି ସକାଳେ ଶାହିନ ବାଗରେ ସିଏଏ ବି‌ରୋଧି ଆନ୍ଦାଳନକାରୀଙ୍କୁ ମାରଣାସ୍ତ୍ର ଦେଖାଇ ଭୟଭୀତ କରିଥିବା ଘଟଣା ସାମ୍ନାକୁ ଆସିଛି।  ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ମୁତାବକ, ମରଣାସ୍ତ୍ର ଦେଖାଇଥିବ‌େ ବ୍ୟକ୍ତିଙ୍କ  ନାମ ମହମ୍ମଦ ଲକମାନ୍(୫୦)। ସେ ଦିଲ୍ଲୀର ଶାହିନବାଗ ଅଞ୍ଚଳର ବାସିନ୍ଦା। ସେ ବ୍ୟବହାର କରିଥିବା ପିସ୍ତଲର ଲାଇସେନ୍ସ ଥିବ‌ା ଜଣାପଡ଼ିଛି। ଆନ୍ଦୋଳନକାରୀମାନେ ରାସ୍ତା ବନ୍ଦ କରି ରଖିଥିବାରୁ ସେମାନଙ୍କ ସହିତ ଆଲୋକଚନା କରିବାକୁ ଯାଇଥିବା କିଛି ସାଧାରଣ ଲୋକଙ୍କ ଭିତରେ ସେ ଥିଲେ। ମାତ୍ର ହଠାତ ସେ ଉତକ୍ଷିପ୍ତ ହୋଇ ଏପରି କାଣ୍ଡ ଭିଆଇଥିଲେ।





Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here