ଭାରତ ଆସିପାରିଲେନି ୬ ଛାତ୍ର – ଅତ୍ୟଧିକ ଜ୍ୱର ନେଇ କରୋନା ସଂକ୍ରମଣ ସନ୍ଦେହ

0
Advertisement


ସମାଜ ପୋର୍ଟାଲ ଡେସ୍କ: କରୋନା ଭୁତାଣୁ ସଂକ୍ରମଣ ସନ୍ଦେହରେ ଚୀନର ଊହାନ ସହରରୁ ଭାରତ ଆସିଥିବା ସ୍ୱତନ୍ତ୍ର ବିମାନରେ ୬ ଜଣ ଛାତ୍ର ଆସିପାରିନାହାନ୍ତି। ସେମାନଙ୍କୁ ଅତ୍ୟଧିକ ଜ୍ୱର ହୋଇଥିବା ଜଣାପଡିବା ପରେ ସତର୍କତାମୂଳକ ପଦକ୍ଷେପ ସ୍ୱରୂପ ସ୍ୱତନ୍ତ୍ର ବିମାନରେ ଆସିବାକୁ ଅନୁମତି ଦିଆଯାଇନଥିଲା। ପ୍ରଥମ ପର୍ଯ୍ୟାୟରେ ୩୨୪ ଜଣ ଏୟାର ଇଣ୍ଡିଆର ସ୍ୱତନ୍ତ୍ର ବିମାନରେ ଭାରତ ଆସିଥିବା ବେଳେ ସେମାନଙ୍କ ମଧ୍ୟରେ ଅଧିକାଂଶ ଛାତ୍ରଛାତ୍ରୀ ରହିଥିବା ଜଣାପଡିଛି।

ସମ୍ପୃକ୍ତ ୬ ଜଣ ଛାତ୍ରଙ୍କଠାରେ ଅତ୍ୟଧିକ ତାପମାତ୍ରା ରହିଥିବା ଜଣାପଡିବା ପରେ ଚୀନର ଇମିଗ୍ରେସନ ଅଧିକାରୀ ସେମାନଙ୍କୁ ବିମାନରେ ଚଢ଼ିବାକୁ ବାରଣ କରିଥିଲେ। ସେମାନେ କରୋନା ଭୁତାଣୁ ସଂକ୍ରମିତ ହୋଇଛନ୍ତି କି ନାହିଁ ପରୀକ୍ଷା ପରେ ଜଣାପଡିବ। ଊହାନରେ ଭାରତୀୟଂକୁ ଆଣିବା ପୂର୍ବରୁ ଭାରତୀୟ ଦୂତାବାସ ପକ୍ଷରୁ ଅବଗତ କରାଇ ଦିଆଯାଇଥିଲା ଯେ ବିମାନରେ ବସିବା ପୂର୍ବରୁ ସମସ୍ତ ଯାତ୍ରୀଙ୍କ ପରୀକ୍ଷା କରାଯିବ ଓ ଭାରତରେ ପହଁଚିବା ପରେ ସେମାନଙ୍କୁ ୧୪ଦିନ ପାଇଁ ସ୍ୱତନ୍ତ୍ର ସେନା ଯାଞ୍ଚ କ୍ୟାମ୍ପରେ ରଖାଯିବ।

ଶନିବାର ସକାଳେ ଦିଲ୍ଲୀରେ ପହଁଚିଥିବା ଏୟାର ଇଣ୍ଡିଆର ସ୍ୱତନ୍ତ୍ର ବିମାନରେ ୨୧୧ ଜଣ ଛାତ୍ର, ୧୧୦ ଜଣ ପେଶାଦାର କର୍ମଚାରୀ ଓ ୨ ଜଣ ଛୋଟ ପିଲା ଥିବା ଜଣାପଡିଛି। ଇତି ମଧ୍ୟରେ ଏୟାର ଇଣ୍ଡିଆର ଆଉ ଏକ ସ୍ୱତନ୍ତ୍ର ବିମାନ ବଳକା ଭାରତୀୟଂକୁ ଆଣିବା ପାଇଁ ଊହାନରେ ପହଁଚିଥିବା ଜଣାପଡିଛି।



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here