ପାକିସ୍ଥାନ ସହିତ ଯଦି କେବେ ଆଲୋଚନା ହୁଏ, ତାହା କେବଳ ପିଓକେ ଉପରେ ହେବ : ରାଜନାଥ

0
Advertisement


ମାଙ୍ଗାଲୁରୁ : ଯଦି ଭବିଷ୍ୟତରେ ପାକିସ୍ତାନ ସହ କୌଣସି ପ୍ରକାରର କଥାବାର୍ତ୍ତା ହୁଏ ତେବେ ତାହା ପାକ-ଅଧିକୃତ କଶ୍ମୀର (ପିଓକେ) ଉପରେ ହେବ ବୋଲି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କହିଛନ୍ତି । ମାଙ୍ଗାଲୁରୁଠାରେ ଅନୁଷ୍ଠିତ ଏକ ସମାରୋହରେ ସେ କହିଛନ୍ତି ଯେ ଜମ୍ମୁ ଓ କଶ୍ମୀରର କାର୍ଯ୍ୟ ଶେଷ ହୋଇଯାଇଛି । ଏବେ କେବଳ ପିଓକେ କଥା ବାକି ଅଛି । ସଂସଦରେ ମଧ୍ୟ ପିଓକେ ଭାରତର ଅବିଚ୍ଛେଦ୍ୟ ଅଂଗ ବୋଲି ଏକ ସଂକଳ୍ପ ଗୃହୀତ ହୋଇସାରିଛି ।
ନାଗରିକତା ଆଇନ (ସିଏଏ) ଉପରେ ସେ କହିଛନ୍ତି ଯେ ଏହା ଏକ କେନ୍ଦ୍ରୀୟ ଆଇନ ଓ ଏହାକୁ ମାନିବାକୁ ରାଜ୍ୟ ସରକାରମାନେ ବାଧ୍ୟ । ସିଏଏ ଦ୍ୱାରା କୌଣସି ଧର୍ମସଂପ୍ରଦାୟର ଧାର୍ମିକ ଭାବନାକୁ ହାନି ପହଞ୍ଚାଯାଇନାହିଁ । କିନ୍ତୁ ଏହାର ବାହାନାରେ ଯଦି କୌଣସି ଗୋଷ୍ଠୀ ସରକାରଙ୍କୁ ସମସ୍ୟାରେ ପକାଏ ତାକୁ ଛଡ଼ାଯିବ ନାହିଁ । ଏନଆରସି ପ୍ରସଙ୍ଗରେ ସେ କହିଛନ୍ତି ଯେ ପ୍ରତ୍ୟେକ ଦେଶରେ ରହୁଥିବା ବେଆଇନ ଲୋକମାନଙ୍କୁ ଜାଣିବାର ଅଧିକାର ସଂପୃକ୍ତ ସରକାରଙ୍କର ରହିଛି ।
ଉଲ୍ଲେଖଯୋଗ୍ୟ ଯେ, କେନ୍ଦ୍ର ସରକାର ଗତବର୍ଷ ଅଗଷ୍ଟ ୫ରେ ଜମ୍ମୁ ଓ କଶ୍ମୀରରୁ ସମ୍ବିଧାନର ଧାରା ୩୭୦ ଉଠାଇଦେବା ସହ ଜମ୍ମୁ-କଶ୍ମୀର ଓ ଲଦାଖକୁ ଅଲଗା କେନ୍ଦ୍ର ଶାସିତ ଅଞ୍ଚଳରେ ପରିଣତ କରିଥିଲେ । ସୁରକ୍ଷା ଓ ଆଇନଶୃଙ୍ଖଳା ରକ୍ଷା ଲାଗି ସରକାର ଜାମ୍ମୁ ଓ କଶ୍ମୀର ପ୍ରମୁଖ ନେତାମାନଙ୍କୁ ଗୃହବନ୍ଦୀ କରିଦେଇଥିଲେ ।



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here