‘ନିର୍ଭୟା’ ଅପରାଧୀଙ୍କୁ ତିହାର କର୍ତ୍ତୃପକ୍ଷଙ୍କ ଚିଠି : ପରିବାର ସହ ଶେଷ ଦେଖା କର

0
Advertisement


ନୂଆଦିଲ୍ଲୀ : ‘ନିର୍ଭୟା’ ମାମଲାର ଅପରାଧୀଙ୍କୁ ଫାଶୀ ପୂର୍ବରୁ ପରିବାର ସହିତ ଶେଷ ସାକ୍ଷାତ ପାଇଁ ଚିଠି ଲେଖିଛନ୍ତି ତିହାର କାରାଗାର କର୍ତ୍ତୃପକ୍ଷ। ଅକ୍ଷୟ ଠାକୁର ଓ ବିନୟ ଶର୍ମା ସେମାନଙ୍କ ପରିବାର ଓ ଆତ୍ମୀୟଙ୍କୁ ଦେଖା କରିବାକୁ ଚାହୁଁଥିବାବେଳେ ସେମାନଙ୍କୁ ଏହି ସୁଯୋଗ ମିଳିବ। ଅନ୍ୟ ଦୁଇ ଜଣ ମୁକେଶ ସିଂହ ଓ ପବନ ଗୁପ୍ତା ଫେବୃଆରୀ ୧ ପୂର୍ବରୁ ସେମାନଙ୍କ ପରିବାରକୁ ଭେଟିଥିବାରୁ ଆଉ ଆବଶ୍ୟକତା ନ ଥିବା କାରାଗାର କର୍ତ୍ତୃପକ୍ଷଙ୍କ ଚିଠିରେ ଉଲ୍ଲେଖ ରହିଛି। ଏତଦ୍‌ବ୍ୟତୀତ ମାର୍ଚ୍ଚ ୩ର ଦୁଇ ଦିନ ପୂର୍ବରୁ ଘାତକ ପବନ ଜହ୍ଲାଦଙ୍କୁ ତିହାର ପଠାଇବା ପାଇଁ କାରାଗାର କର୍ତ୍ତୃପକ୍ଷ ଉତ୍ତରପ୍ରଦେଶ କାରାଗାର ବିଭାଗ ପ୍ରଶାସନକୁ ଅନ୍ୟ ଏକ ଚିଠି ଲେଖିଛନ୍ତି। ପୁନଶ୍ଚ କାରାଗାରରେ ବିନୟର ବ୍ୟବହାରରେ ପରିବର୍ତ୍ତନ ଘଟିଥିବାରୁ ତା’ଉପରେ ତୀକ୍ଷ୍ଣ ନଜର ରଖାଯାଇଥିବା କର୍ତ୍ତୃପକ୍ଷ ସୂଚନା ଦେଇଛନ୍ତି। ଗତ ୧୬ତାରିଖରେ ସେ କାନ୍ଥରେ ନିଜ ମୁଣ୍ଡ ପିଟି ଦେଇଥିଲା। ସୂଚନାଯୋଗ୍ୟ ଯେ ମାର୍ଚ୍ଚ ୩ ସକାଳ ୬ଟାରେ ୪ ଅପରାଧୀଙ୍କୁ ଫାଶୀ ଦିଆଯିବା ନେଇ ଗତ ୧୭ ତାରିଖରେ ସାନି ମୃତ୍ୟୁ ପରୱାନା ଜାରି କରାଯାଇଛି। ପୂର୍ବରୁ ଦୁଇଥର ସେମାନଙ୍କ ଫାଶୀ ଦଣ୍ଡାଦେଶ କାର୍ଯ୍ୟକାରୀ ଘୁଞ୍ଚିଥିବାରୁ ନିର୍ଭୟାଙ୍କ ମାଆ ଏଥର ନିଶ୍ଚୟ ଫାଶୀ ଦିଆଯିବା ନେଇ ଆଶା ବ୍ୟକ୍ତ କରିଛନ୍ତି।
ଅପରପକ୍ଷରେ ମାନସିକ ଭାରସାମ୍ୟ ହରାଇଥିବା ନେଇ ଅପରାଧୀ ବିନୟ ଶର୍ମା ପଟିଆଲା ହାଉସ୍‌ ଅଦାଲତକୁ ଯେଉଁ ଆବେଦନ କରିଥିଲା ତାହା ଖାରଜ ହୋଇଯାଇଛି। ନିଜ ମୁଣ୍ଡରେ ଆଘାତ ଲାଗିଥିବା, ମାନସିକ ସ୍ଥିତି ଠିକ୍‌ ନ ଥିବା, ସେ ସିଜୋଫ୍ରେନିଆରେ ଆକ୍ରାନ୍ତ ଥିବା ଓ ଡାହାଣ ହାତ ହାଡ଼ ଭାଙ୍ଗିଯାଇଥିବାରୁ ଚିକିତ୍ସା ପାଇଁ ଅଦାଲତକୁ ଦୁଇ ଦିନ ପୂର୍ବେ ଅବଗତ କରିଥିଲା। ତିହାର କାରାଗାର କର୍ତ୍ତୃପକ୍ଷ ପ୍ରତ୍ୟହ ସେମାନଙ୍କ ସ୍ବାସ୍ଥ୍ୟ ପରୀକ୍ଷା କରାଯାଉଥିବା ଦର୍ଶାଇ ତଥ୍ୟ ପ୍ରମାଣ ସହିତ ଏହାକୁ ଖଣ୍ଡନ କରିବା ପରିପ୍ରେକ୍ଷୀରେ ଶନିବାର ଏହି ଆବେଦନକୁ ବିଚାରପତି ଧର୍ମେନ୍ଦ୍ର ରାଣା ଖାରଜ କରି ଦେଇଛନ୍ତି।
ଅଦ୍ୟାବଧି ଫାଶୀରୁ ବର୍ତ୍ତିବା ପାଇଁ କୌଣସି ପ୍ରତିଷେଧାତ୍ମକ ପଦକ୍ଷେପ ନେଇ ନ ଥିବା ଅନ୍ୟତମ ଅପରାଧୀ ପବନ ଗୁପ୍ତା କାରାଗାରରେ ତାର ନୂଆ ଓକିଲ ରବି କାଜିଙ୍କୁ ଭେଟିବାକୁ ମନା କରିଦେଇଛି। ଗତ ସପ୍ତାହରେ ଏ.ପି ସିଂହଙ୍କ ସ୍ଥାନରେ ରବିଙ୍କୁ ନୂଆ ଓକିଲ ଭାବେ ନିଯୁକ୍ତି ଦିଆଯାଇଥିଲା। ରବି ସପ୍ତାହେ ଧରି ପବନଙ୍କୁ ଭେଟିପାରି ନାହାନ୍ତି।



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here