ନାଗରିକଙ୍କୁ ଆର୍ଥିକ କ୍ଷମତାପନ୍ନ କରିବ ଚଳିତ ବଜେଟ – ମୋଦୀ

0
Advertisement


ନୂଆଦିଲ୍ଲୀ: ୨୦୨୦-୨୧ ଆର୍ଥିକ ବର୍ଷର ବଜେଟ୍‍ ଦେଶର ଅର୍ଥନୀତିକୁ ସୁଦୃଢ଼ କରିବା ସହିତ ସମସ୍ତ ନାଗରିକଙ୍କୁ ଆର୍ଥିକ କ୍ଷମତାପନ୍ନ କରିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗତକାଲି ଆଗତ ହୋଇଥିବା ବଜେଟ୍‍ ଉପରେ ନିଜର ପ୍ରତିକ୍ରିୟା ପ୍ରକାଶ କରି କହିଛନ୍ତି ଏହି ବଜେଟ୍‍ କୃଷି, ବିନିର୍ମାଣ, ବୟନ ଏବଂ ଟେକ୍ନୋଲୋଜି କ୍ଷେତ୍ରକୁ ଗୁରୁତ୍ୱ ପ୍ରଦାନ କରିଛି। ଫଳରେ ନିଯୁକ୍ତି କ୍ଷେତ୍ରରେ ଅଧିକ ସୁଯୋଗ ସୃଷ୍ଟି ହୋଇପାରିବ। ସେ କହିଛନ୍ତି, ଏହି ବଜେଟ୍‍ରେ କୃଷିକ୍ଷେତ୍ର ପାଇଁ ଅଧିକ ପ୍ରାଧାନ୍ୟ ଦିଆଯାଇଛି। ପ୍ରଧାନମନ୍ତ୍ରୀ ମାଛଚାଷ, ପଶୁପାଳନ ଏବଂ ଉଦ୍ୟାନ କୃଷି ଉପରେ ଗୁରୁତ୍ୱ ପ୍ରଦାନ କରାଯାଇଥିବା ବିଷୟ ଉଲ୍ଲେଖ କରି କହିଛନ୍ତି ଦେଶରେ ବେକାରୀ ଦୂରୀକରଣ କ୍ଷେତ୍ରରେ ଏହା ପ୍ରମୁଖ ଭୂମିକା ଗ୍ରହଣ କରିବ। ୨୦୨୧ ସୁଦ୍ଧା କୃଷକମାନଙ୍କ ଆୟ ଦ୍ୱିଗୁଣିତ କରିବା କ୍ଷେତ୍ରରେ ବଜେଟ୍‍ରେ ପ୍ରସ୍ତାବିତ ୧୬ସୂତ୍ରୀ କାର୍ଯ୍ୟକ୍ରମ ଏକ ଅଭିନବ ଉଦ୍ୟମ ବୋଲି ବର୍ଣ୍ଣନା କରି ପ୍ରଧାନମନ୍ତ୍ରୀ ଅନ୍ୟପକ୍ଷରେ ଆଗାମୀ ଦିନରେ ୧୦୦ଲକ୍ଷ କୋଟି ଟଙ୍କା ବ୍ୟୟରେ ନିର୍ମାଣ ହେବାକୁ ଥିବା ୬ହଜାର ୫୦୦ଟି ପ୍ରକଳ୍ପ ବ୍ୟାପକ ରୋଜଗାର ସୃଷ୍ଟି କରିବା ସହ ବ୍ୟବସାୟିକ ଅଭିବୃଦ୍ଧିକୁ ଉଚ୍ଚସ୍ତରକୁ ନେବ ବୋଲି କହିଛନ୍ତି।

ପ୍ରଧାନମନ୍ତ୍ରୀ କହିଛନ୍ତି ଏହି ବଜେଟ୍‍ ଦେଶର ବିକାଶ ନିମିତ୍ତ ସମସ୍ତ ଆବଶ୍ୟକତାକୁ ପୂରଣ କରିବ ଏବଂ ଚଳିତ ଶତାବ୍ଦୀରେ ଦେଶ ସମ୍ମୁଖୀନ ହେଉଥିବା ସମସ୍ୟାଗୁଡ଼ିକର ସମାଧାନ ଦିଗରେ ମଧ୍ୟ ସହାୟତା କରିବ। ସେ କହିଛନ୍ତି ସରକାରୀ ଚାକିରି ପାଇଁ ଏକକ ଅନ୍‍ଲାଇନ୍‍ ପରୀକ୍ଷା, କିଷାନ ରେଳ ଏବଂ କିଷାନ ଉଡ଼ାନ ଯୋଜନା ଦେଶର ବିଭିନ୍ନ ବର୍ଗର ନାଗରିକଙ୍କୁ ସହଜ ବ୍ୟବସାୟ ପାଇଁ ପଥ ଉନ୍ମୁକ୍ତ କରିବ। ଏହି ବଜେଟ୍‍କୁ ପ୍ରଧାନମନ୍ତ୍ରୀ ଲୋକମାନଙ୍କ ବଜେଟ୍‍ କହିବା ସହ ଟିକସ ହ୍ରାସ ଦ୍ୱାରା ସାଧାରଣ ଲୋକଙ୍କୁ ଅଧିକ ବ୍ୟୟ କରିବାର ସୁଯୋଗ ସୃଷ୍ଟି କରିଛି ବୋଲି କହିଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଶୁଭେଚ୍ଛା ଜଣାଇ କହିଛନ୍ତି, ଲୋକମାନଙ୍କ ଭବିଷ୍ୟତର ଆବଶ୍ୟକତାକୁ ଦୃଷ୍ଟିରେ ରଖି ପ୍ରଥମଥର ପାଇଁ ଏଭଳି ବଜେଟ୍‍ ପ୍ରସ୍ତୁତ କରାଯାଇପାରିଛି।



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here