ଦିଲ୍ଲୀ ହିଂସା: ପିଲା ପାଇଁ କ୍ଷୀର ଆଣିବାକୁ ଯାଇଥିଲେ…ଶବଗୃହରେ ମିଳିଲା ମୃତଦେହ

0
Advertisement


ସମାଜ ପୋର୍ଟାଲ ଡେସ୍କ: ହିଂସାରେ କଣ ମିଳେ ଓ କଣ ନ ମିଳେ ତାହା ତ ପରର କଥା କିନ୍ତୁ ହିଂସାର କୌଣସି ଦିଗ ସହ ସାମାନ୍ୟ ଜଡିତ ନ ଥିବା ମଣିଷଟି ଆରପାରିକୁ ଚାଲିଯାଏ ଓ ତା ସହ ଉଜୁଡି ଯାଏ ହସିଲା ଖେଳିଲା ପରିବାର। ଏମିତି ଏକ ଘଟଣା ଘଟିଛି ଏଥରର ଦିଲ୍ଲୀ ହିଂସାରେ। ମଜୁରୀ ଲାଗି ପରିବାର ପ୍ରତିପୋଷଣ କରୁଥିବା ଓ ସଂଶୋଧିତ ନାଗରିକତା ଆଇନର ଧାର ଧାରୁନଥିବା ସ୍ୱାମୀଙ୍କୁ ଜେଲ ଓ ଡାକ୍ତରଖାନାରେ ଖୋଜିବା ପରେ ୭ ମାସର ଗର୍ଭବତୀ ସ୍ତ୍ରୀକୁ ମିଳିଛି ସ୍ୱାମୀର ମୃତ ଦେହ, ତାହା ପୁଣି ଶବଗୃହରେ।

ଦିଲ୍ଲୀର ବ୍ରିଜପୁରୀର ଏକ ଅଣଓସାରିଆ ଗଳିରେ ରହନ୍ତି ୭ ମାସର ଗର୍ଭବତୀ ସୁନିତା। ୧୦ ବର୍ଷରୁ କମ ତିନୋଟି ପିଲା ଓ ସ୍ୱାମୀଙ୍କୁ ନେଇ ପରିବାର। ହେଲେ ଦିଲ୍ଲୀ ହିଂସାର ଶିକାର ହୋଇ ମୃତ୍ୟୁବରଣ କରିଥିବା ୪୨ ଜଣଙ୍କ ତାଲିକାରେ ଏବେ ଗୋଟିଏ ନାମ ସୁନିତାଙ୍କ ସ୍ୱାମୀ ପ୍ରେମ ସିଂହଙ୍କର। ବୃତ୍ତିରେ ଅଟୋ ଚଳାଉଥିବା ୨୭ ବର୍ଷୀୟ ପ୍ରେମ ସିଂହ ଫେବୃଆରୀ ୨୫ରେ ସକାଳ ୮ଟାରେ ବାହାରି ଯାଇଥିଲେ ନିକଟସ୍ଥ ବଜାରକୁ ନିଜ କୁନି କୁନି ପିଲାଙ୍କ ପାଇଁ କ୍ଷୀର ଓ କିଛି ଖାଦ୍ୟ ଆଣିବାକୁ। ପିନ୍ଧି ଥିଲେ ଧଳା ରଙ୍ଗର ସାର୍ଟ। ହେଲେ ହିଂସା ଯୋଗୁ ଦୋକାନ ବଜାର ସବୁ ବନ୍ଦ ଥିଲା କିନ୍ତୁ ସୁନିତା ଜାଣି ନଥିଲେ କେତେ ଦୂର ଯାଇଥିଲେ ପ୍ରେମ।

ଫେବୃଆରୀ ୨୯ରେ ସ୍ୱାମୀଙ୍କ ଫଟୋ ଧରି ପୁଲିସ ଷ୍ଟେସନରେ ପହଁଚିଲେ ସୁନିତାଙ୍କ ଭଉଣୀ ସରିତା। ପୁଲିସ ଅଟକ ରଖିଥିବା ଲୋକଙ୍କ ଭିତରେ ପ୍ରେମ ସିଂହକୁ ଖୋଜୁଥିଲେ ସେମାନେ ହେଲେ ସବୁ ବିଫଳ। ପର ଦିନ ଏ ହସ୍ପିଟାଲରୁ ସେ ହସ୍ପିଟାଲ, କାଳେ କେଉଁ ବେଡ଼ରେ ଶୋଇଥିବେ ପ୍ରେମ କିନ୍ତୁ ସେଠାରେ ବି ନ ଥିଲେ ସେ। ଶେଷରେ ଜିଟିବି ହସ୍ପିଟାଲର ଶବ ଗୃହରେ ସବୁଦିନ ପାଇଁ ଶୋଇଯାଇଥିବା ପ୍ରେମ ସିଂହକୁ, ପରିବାର ଲୋକଙ୍କୁ କେବଳ ମୁହଁ ଦେଖିବାକୁ ଦିଆଗଲା।

କ୍ଷୀର ଆଣିବାକୁ ଯାଇଥିବା ମଣିଷଟିର ପରିବାର ଏବେ ଶବ ବ୍ୟବଚ୍ଛେଦ ରିପୋର୍ଟ ଅପେକ୍ଷାରେ। ହେଲେ କିଏ ଦେବ ଉତ୍ତର, ହିଂସା ତ ଥମିଗଲା କିନ୍ତୁ ଉଜୁଡା ପରିବାରକୁ କଣ ସଜାଡି ପାରିଲା ହିଂସା!



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here