ଟଙ୍କା ଆୟ କରିବା ପାଇଁ ଦୁବାଇ ଯିବାକୁ ଚାହୁଁଛନ୍ତି ତ ପ୍ରଥମେ ଏହି ତିନି ଜଣଙ୍କ ସହ ଘଟିଥିବା ଘଟଣା ଶୁଣି ନିଅନ୍ତୁ, ବହୁତ କଷ୍ଟରେ ଫେରିଲେ ଘରକୁ

0
Advertisement


କଣ ଭଲ ଚାକିରି ପାଇବା ଆଶାରେ ଦୁବାଇ ଯିବାର ସ୍ଵପ୍ନ ଦେଖୁଛନ୍ତି ତେବେ ଆପଣଙ୍କୁ ଭବିଷ୍ୟତରେ ନିଜର ନିଷ୍ପତିକୁ ନେଇ ପଶ୍ଚାତାପ କରିବାକୁ ପଡିପାରେ । ଏହା ପଛରେ ଏକ ବହୁତ ବଡ କାରଣ ଅଛି । ୮ ମାସ ହେଲା ଦୁବାଇ ଯାଇଥିବା କୁଶୀନଗର ର ପ୍ରମୋଦ ଓ ବିହାରର ଦୁଇ ଜଣ ଯୁବକଙ୍କୁ ଏଜେଣ୍ଟର ମନମାନି କାରଣରୁ ୬ ମାସ ପର୍ଯ୍ୟନ୍ତ କଷ୍ଟ ସହିବାକୁ ପଡିଲା । ବିନା ପାସପୋର୍ଟ ରେ ସେଠାରେ ଫସିଥିବା ଏହି ତିନି ଜଣ ଯୁବକ ବିଦେଶ ମନ୍ତ୍ରାଳୟର ସାହାର୍ଯ୍ୟରେ କିଛି ଦିନ ପୂର୍ବରୁ ହିଁ ନିଜ ଘରକୁ ଫେରିଛନ୍ତି ।

ଘରେ ପହଞ୍ଚିବା ମାତ୍ରେ ହିଁ ଏହି ଯୁବକମାନେ ବିଦେଶ ମନ୍ତ୍ରାଳୟ ଓ ସାମାଜିକ ସଂଗଠନ ପ୍ରତି ଆଭାର ବ୍ୟକ୍ତ କରିଛନ୍ତି । ରାମକୋଲା ଥାନା କ୍ଷେତ୍ରର ଗ୍ରାମ ଡମ୍ମର ଛପରା ନିବାସୀ ପ୍ରମୋଦ କୁଶଵାହାଙ୍କ ପୁତ୍ର ସତ୍ୟପ୍ରକାଶ କୁଶଵାହା ଗତ ବର୍ଷ ୧୪ ମେ ରେ ଗୋରଖପୁର ଘାସୀକଟରା ମୁହଲ୍ଲାରେ ରହୁଥିବା ଏଜେଣ୍ଟ ମାଧ୍ୟମରେ ଦୁବାଇ ଯାଇଥିଲେ । ସେଠି ପହଞ୍ଚିବା ପରେ ଏଜେଣ୍ଟ ପ୍ରଥମରୁ କହିଥିବା କମ୍ପାନୀ ବଦଳରେ କୌଣସି ଅନ୍ୟ କମ୍ପାନୀରେ କାମ କରିବା ପାଇଁ ନେଇଗଲା ।

ସେଠି ପ୍ରମୋଦକୁ କାମ କରିବା ବଦଳରେ ଟଙ୍କା ବି ମିଳୁ ନ ଥିଲା । ଯେତେବେଳେ ସେ ଆପତ୍ତି କରିଲା ତ କମ୍ପାନୀର ଏଜେଣ୍ଟ ମାରପିଟ କରି ପ୍ରମୋଦର ପାସପୋର୍ଟ ନେଇଗଲା ଓ ବନ୍ଧକ ରଖି କାମ କରାଇବାକୁ ଲାଗିଲା । ପ୍ରମୋଦ ଭଳି ଅବସ୍ଥା ହିଁ ସେଠି ପୂର୍ବରୁ ଫସିଥିବା ବିହାର ପ୍ରାନ୍ତର ବକ୍ସର ଜିଲ୍ଲାର ଏକୌନା ଗ୍ରାମ ନିବାସୀ ସମ୍ଭୁନାଥ ଚୌଧରୀଙ୍କ ପୁଅ ଋଷିକାନ୍ତ ଓ ରୋହତାସ ଜିଲ୍ଲାର କୋଡଡୀହ ନିବାସୀ ଗିରଜାଂନଦ ସିଂହଙ୍କ ପୁଅ ରୋହିତ କୁମାରର ବି ଥିଲା ।

ତିନି ଜଣ ଯୁବକଙ୍କ ପାଖରେ ପାସପୋର୍ଟ ନ ଥିଲା । ଯେଉଁ କାରଣରୁ ସେମାନେ କମ୍ପାନୀର ଗେଟରୁ ବାହାରକୁ ବାହାରି ପାରୁ ନ ଥିଲେ । ଏହା ବିଷୟରେ ଜାଣିଲା ପରେ ପ୍ରମୋଦର ପରିଜନମାନେ ଏସଏସପୀ ଗୋରଖପୁର ଓ ବିଦେଶ ମନ୍ତ୍ରାଳୟକୁ ପତ୍ର ଲେଖିଲେ । ମାମଲାର ଯାଞ୍ଚ କରି ବିଦେଶ ମନ୍ତ୍ରାଳୟ ଦୁବାଇ ସ୍ଥିତ ଭାରତୀୟ ଦୂତାବାସରେ ଏହି ମାମଲା ଉପରେ କାର୍ଯ୍ୟକାରୀ କରିବା ପାଇଁ କହିଲେ ।

ଏହା ପରେ ଦୂତାବାସକୁ କୁହାଯାଇଥିବା ଠିକଣା ଉପରେ ଦୂତାବାସର କର୍ମଚାରୀମାନେ ସମ୍ପର୍କ କରିଲେ ଓ କମ୍ପାନୀର ମାଲିକ ଓ ଏଜେଣ୍ଟ ଠାରୁ ପାସପୋର୍ଟ ନେଲେ । ଏହା ପରେ ତିନି ଜଣ ଯୁବକ ୪ ଫେବୃୟାରୀ ଦିନ ଭାରତକୁ ଫେରି ଆସିଲେ । ଘରେ ପହଞ୍ଚିବା ପରେ ନିଜର ଭାଇ ଭଉଣୀଙ୍କ ସହିତ ବସି ପ୍ରମୋଦ କହିଲେ କି ସେମାନେ ଘରକୁ ଫେରିବେ ବୋଲି ତାଙ୍କର ଆଶା ନ ଥିଲା । କିନ୍ତୁ ବିଦେଶ ମନ୍ତ୍ରାଳୟ ଓ ଭାରତୀୟ ଦୂତାବାସର ପ୍ରୟାସରେ ଯେତେବେଳେ ସେମାନେ ଘରେ ପହଞ୍ଚିଲେ ତେବେ ଯାଇ ତାଙ୍କୁ ବିଶ୍ଵାସ ହେଲା ।

The post ଟଙ୍କା ଆୟ କରିବା ପାଇଁ ଦୁବାଇ ଯିବାକୁ ଚାହୁଁଛନ୍ତି ତ ପ୍ରଥମେ ଏହି ତିନି ଜଣଙ୍କ ସହ ଘଟିଥିବା ଘଟଣା ଶୁଣି ନିଅନ୍ତୁ, ବହୁତ କଷ୍ଟରେ ଫେରିଲେ ଘରକୁ appeared first on Odia News.

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here