ଜାଣନ୍ତୁ କିଏ କରୁଛି ‘ନମସ୍ତେ ଟ୍ରମ୍ପ’ କାର୍ଯ୍ୟକ୍ରମର ଆୟୋଜନ ଏବଂ କିଏ ବହନ କରିବ ଖର୍ଚ୍ଚ

0
Advertisement


ଅହମ୍ମଦାବାଦ: ଆସନ୍ତା ୨୪ ତାରିଖରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ୨ ଦିନିଆ ଭାରତ ଗସ୍ତରେ ଆସିବେ। ଏହି ସମୟରେ ସେ ୨୪ ତାରିଖରେ ଗୁଜରାଟର ଅହମ୍ମଦାବାଦ ଗସ୍ତ କରିବେ। ଅହମ୍ମଦାବାଦରେ ସେ ୩ ଘଣ୍ଟା ରହିବାର କାର୍ଯ୍ୟକ୍ରମ ରହିଛି। ଏହି ସମୟରେ ଟ୍ରମ୍ପ ବଶ୍ବର ସର୍ବ ବୃହତ ଷ୍ଟାଡିୟମ ‘ମୋର୍ଟାର’ ଆୟୋଜିତ ନମସ୍ତେ ଟ୍ରମ୍ପ କାର୍ଯ୍ୟକ୍ରମରେ ଯୋଗଦେବେ। ଏହି କାର୍ଯ୍ୟକ୍ରମକୁ ନେଇ ସବୁଆଡେ ଚର୍ଚ୍ଚା ଲାଗିରହିଛି। ବିଶ୍ବର ସର୍ବ ବୃହତ ଷ୍ଟାଡିୟମକୁ ଟ୍ରମ୍ପ ଉଦଘାଟନ କରିବା ସହ ଏଠାରେ ଆୟୋଜିତ ‘ନମସ୍ତେ ଟ୍ରମ୍ପ’ କାର୍ଯ୍ୟକ୍ରମରେ ସାମିଲ ହେବ । ତେବେ କିଏ କରୁଛି ଏହି କାର୍ଯ୍ୟକ୍ରମର ଆୟାଜନ ଏବଂ କିଏ ବହନ କରିବ ଏହି କାର୍ଯ୍ୟକ୍ରମର ସମସ୍ତ ଖର୍ଚ୍ଚ ଆସନ୍ତୁ ଜାଣିବା…….

ନମସ୍ତେ ଟ୍ରମ୍ପ କାର୍ଯ୍ୟକ୍ରମର ଆୟୋଜକ

ବିଦେଶ ମନ୍ତ୍ରଣାଳୟର ପ୍ରବକ୍ତା ରବିଶ କୁମାରଙ୍କ ସୂଚନା ଅନୁସାରେ ଗୁଜୁରାଟର ମୋର୍ଟାର ଷ୍ଟାଡିୟମରେ ଆୟୋଜନ କରାଯାଉଥିବା ‘ନମସ୍ତେ ଟମ୍ପ’ କାର୍ଯ୍ୟକ୍ରମର ଆୟାଜନ ‘ଡୋନାଲ୍ଡ ଟ୍ରମ୍ପ ଅଭିନନ୍ଦନ ସମିତି’ ପକ୍ଷରୁ କରାଯାଇଛି। ଏହି ସମିତି ଟ୍ରମ୍ପଙ୍କ ଭାରତ ଗସ୍ତକୁ ଆଖି ଆଗରେ ରଖି ତିଆରି କରାଯାଇଛି। ବିଦେଶ ମନ୍ତ୍ରଣାଳୟର ସୂଚନା ଅନୁସାରେ ବିଶିଷ୍ଟ ଅତିଥିଙ୍କ ଗସ୍ତ ପାଇଁ ଏପରି କରାଯାଏ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆମେରିକା ଗସ୍ତ ସମୟରେ ହଷ୍ଟନର ଏନଆରଜି ଷ୍ଟାଡିୟମରେ ଆୟୋଜିତ ହାଓଡି ମୋଦୀ କାର୍ଯ୍ୟକ୍ରମ ଏହିପରି ଭାବେ ଆୟୋଜନ କରାଯାଇଥିଲା।

କିଏ ଉଠାଇବ ମୋର୍ଟାର ଷ୍ଟାଡିୟମରେ ଆୟୋଜିତ କାର୍ଯ୍ୟକ୍ରମର ଖର୍ଚ୍ଚ

ବିଦେଶ ମନ୍ତ୍ରଣାଳୟର ସୂଚନା ଅନୁସାରେ ରାଷ୍ଟ୍ରପତି ଟ୍ରମ୍ପଙ୍କ ଗୁଜୁରାଟ ଗସ୍ତ ଆୟୋଜନ ସମୟରେ ହେଉଥିବା ସମସ୍ତ ଖର୍ଚ୍ଚର ଏକ ବଡ ଅଂଶ ଭାରତ ସରକାର ବହନ କରିବେ। ପ୍ରୋଟକଲ୍ ସୁରକ୍ଷା ତଥା ଅତିଥି ରାଷ୍ଟ୍ରପତି ଟ୍ରମ୍ପଙ୍କ ଗସ୍ତ ସମୟରେ ସମସ୍ତ ଜରୁରି ସୁବିଧା ସମ୍ଭଦୀୟ ଖର୍ଚ୍ଚ ମଧ୍ୟ ଭାରତ ସରକାର ବହନ କରିବେ। କିନ୍ତୁ ଏହା ବାଦ ରାଷ୍ଟ୍ରପତି ଟ୍ରମ୍ପଙ୍କ ଅଭିନନ୍ଦନ,ମୋର୍ଟାର ଷ୍ଟାଡିୟମରେ ଆୟୋଜିତ ‘ନମସ୍ତେ ଟ୍ରମ୍ପ’ କାର୍ଯ୍ୟକ୍ରମର ସମସ୍ତ ଖର୍ଚ୍ଚ ‘ଡୋନାଲ୍ଡ ଟ୍ରମ୍ପ ଅଭିନନ୍ଦନ ସମିତି’ ପକ୍ଷରୁ ବହନ କରାଯିବ।



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here