କ୍ୟାଟ୍ରିନାଙ୍କ ମଟରସାଇକଲ ନିଶା

0
Advertisement


ମୁମ୍ବଇ : ସୁନ୍ଦରୀ କ୍ୟାଟ୍ରିନା କେଫ୍ ଅଭିନୟ ଓ ନିଜ ଫିଟ୍‌ନେସ୍ ପାଇଁ ସବୁବେଳେ ଚର୍ଚ୍ଚାରେ ରହିଆସିଛନ୍ତି। ତାଙ୍କଠାରେ ଅନ୍ୟ ଏକ ପ୍ରତିଭା ମଧ୍ୟ ରହିଛି। ସେ ବାବଦରେ ଖୁବ୍ କମ୍ ବଲିଉଡ ବନ୍ଧୁମାନେ ଅବଗତ। ଏକ ସାକ୍ଷାତକାର୍‌ରେ ପ୍ରଥମେ ହ୍ରିତିକ୍ ରୋଶନ୍ ଏ ସଂକ୍ରାନ୍ତରେ କହିଥିଲେ। ପରବର୍ତ୍ତୀ ସମୟରେ କ୍ୟାଟ୍ରିନାଙ୍କ ପୂର୍ବତନ ଘନିଷ୍ଠ ବନ୍ଧୁ ରଣବୀର କପୁର ମଧ୍ୟ ପ୍ରକାଶ କରିଥିଲେ। ମଟରସାଇକଲ୍ କ୍ୟାଟ୍ରିନା ଖୁବ୍ ଭଲ ଭାବେ ଚଳାଇପାରନ୍ତି। ‘ଜିନ୍ଦେଗୀ ନା ମିଲେଗୀ ଦୋବାରା’ ଚଳଚ୍ଚିତ୍ରର ଗୋଟିଏ ଗୀତର ଦୃଶ୍ୟରେ କ୍ୟାଟ୍ରିନା ମଟରସାଇକଲ ଚଳାଇଛନ୍ତି। ପଛରେ ତାଙ୍କର ହ୍ରିତିକ୍ ମଧ୍ୟ ବସିଛନ୍ତି। ସାକ୍ଷାତକାର୍‌ରେ ହ୍ରିତିକ୍ କହିଥିଲେ, ଏହି ଦୃଶ୍ୟର ସୁଟିଂ ପୂର୍ବରୁ ସେ ଖୁବ୍ ଡରିଯାଇଥିଲେ। ଜଣେ ଯୁବତୀ ମଟରସାଇକଲ ଭଲଭାବେ ଚଳାଇବାକୁ ସେ ଆଦୌ ଗ୍ରହଣ କରିପାରୁନଥିଲେ। ଶେଷରେ ଅନନ୍ୟୋପାୟ ହୋଇ ସେ କ୍ୟାଟ୍‌ଙ୍କ ପଛରେ ବସିଲେ। ଏହା ପରେ ତାଙ୍କ ମନର ଭୁଲ୍ ଧାରଣା ଦୂର ହୋଇଥିଲା। କ୍ୟାଟ୍ରିନା ତାଙ୍କ ଠାରୁ ମଧ୍ୟ ଭଲ ମଟରସାଇକଲ ଚଳାଇପାରନ୍ତି ବୋଲି ହ୍ରିତିକ୍‌ଙ୍କ ମତ। ସମାନ କଥା ରଣବୀର କପୁର ମଧ୍ୟ କହିଛନ୍ତି। ଦୁହିଁଙ୍କ ମଧ୍ୟରେ ଯେତେବେଳେ ବନ୍ଧୁତା ଥିଲା, ସେ ସମୟରେ ଦୁହେଁ ହେଲମେଟ୍ ପିନ୍ଧି ମୁମ୍ବଇ ରାସ୍ତାରେ ରାତିବେଳା ଖୁବ୍ ବୁଲୁଥିଲେ। ଅଧିକାଂଶ ଦିନ କ୍ୟାଟ୍ରିନା ହିଁ ମଟରସାଇକଲ ଚଳାନ୍ତି ଓ କ୍ୟାଟ୍ରିନାଙ୍କ ସୁରକ୍ଷିତ ଗାଡ଼ି ଚଳାଇବାର ଶୈଳୀର ସେ ସବୁଠୁ ବଡ଼ ପ୍ରଶଂସକ ବୋଲି ରଣବୀରଙ୍କ ମତ।

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here