କ୍ରିପ୍ଟୋ କରେନ୍ସି ଟ୍ରେଡିଂ କଟକଣା ହଟିଲା

0
Advertisement


ନୂଆଦିଲ୍ଲୀ,୫-୩: ବିବାଦୀୟ କ୍ରିପ୍ଟୋକରେନ୍ସି କାରବାର ଉପରେ ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ ୨ ବର୍ଷ ପୂର୍ବେ ପ୍ରତିବନ୍ଧକ ଲଗାଇଥିଲା। ଦେଶ ମଧ୍ୟରେ ଏହାର କାରବାର ନ କରିବାକୁ ଲୋକଙ୍କୁ ବାରଣ କରାଯାଇଥିଲା। ବୁଧବାର ସୁପ୍ରିମକୋର୍ଟ କ୍ରିପ୍ଟୋକରେନ୍ସି କାରବାରକୁ ଅନୁମତି ପ୍ରଦାନ କରିଥିବା ଜଣାପଡିଛି। ସର୍ବୋଚ୍ଚ ନ୍ୟାୟାଳୟ ଆର୍‌ବିଆଇର ୨ ବର୍ଷ ପୁରୁଣା ସର୍କୁଲାରକୁ ଖାରଜ କରି ଦେଇଛନ୍ତି। ୬ ଏପ୍ରିଲ ୨୦୧୮ରେ କ୍ରିପ୍ଟୋକରେନ୍ସି ସହ ଜଡିତ ନେଣଦେଣ ଉପରେ କେନ୍ଦ୍ରୀୟ ବ୍ୟାଙ୍କ ରୋକ ଲଗାଇଥିଲେ। ଏହି କରେନ୍ସିର ନେଣଦେଣ ବନ୍ଦ କରିବା ଏବଂ ଏ ନେଇ କୌଣସି ପ୍ଲାଟଫର୍ମ ପ୍ରଦାନ ନ କରିବାକୁ ବ୍ୟାଙ୍କ ତଥା ଆର୍ଥତ୍କ ପ୍ରତିଷ୍ଠାନକୁ ନିର୍ଦ୍ଦେଶରେ କୁହାଯାଇଥିଲା।
ଇଣ୍ଟରନେଟ ଆଣ୍ଡ ମୋବାଇଲ ଆସୋସିଏଶନ ଅଫ୍‌ ଇଣ୍ଡିଆ (ଆଇଏଏମ୍‌ଏଆଇ) ଏବଂ କ୍ରିପ୍ଟୋକରେନ୍ସି ଏକ୍ସଚେଞ୍ଜ ପକ୍ଷରୁ ରିଜର୍ଭ ବ୍ୟାଙ୍କର ଏଭଳି ନିଷ୍ପତ୍ତି ବିରୋଧରେ ସୁପ୍ରିମକୋର୍ଟରେ ପିଟିଶନ ଫାଇଲ କରାଯାଇଥିଲା। ଦେଶରେ ଏମିତି କୌଣସି ଆଇନ ନାହିଁ ଯାହା କ୍ରିପ୍ଟୋ କରେନ୍ସି କାରବାରକୁ ବନ୍ଦ କରିବ। ଏହି ଯୁକ୍ତିକୁ ଆଇଏଏମ୍‌ଏଆଇ ସୁପ୍ରିମକୋର୍ଟଙ୍କ ସାମ୍ନାରେ ରଖିଥିଲା। ଏଭଳି ସ୍ଥିତିରେ କ୍ରିପ୍ଟୋକରେନ୍ସି ନେଣଦେଣ ଲାଗି ରିଜର୍ଭ ବ୍ୟାଙ୍କ କୌଣସି ପ୍ରତିବନ୍ଧକ ଲଗାଇ ପାରିବ ନାହିଁ ବୋଲି ଯୁକ୍ତିରେ କୁହାଯାଇଥିଲା। ଏହି କରେନ୍ସିକୁ ନେଇ ରହିଥିବା ବିପଦ ସମ୍ପର୍କରେ ୨୦୧୩ ପରଠାରୁ ଲୋକଙ୍କୁ ଅବଗତ କରାଯାଉଛି ବୋଲି ଆରବିଆଇ ଯୁକ୍ତିର ଉତ୍ତରରେ କହିଛି। ଦେଶର ପେମେଣ୍ଟ ସିଷ୍ଟମ ଉପରେ ଯେଭଳି କୌଣସି ପ୍ରଭାବ ନ ଆସିବ ତାକୁ ବିଚାର କରି ଏଭଳି କରେନ୍ସି ଉପରେ କଟକଣା ଜାରି କରିବାର ଆବଶ୍ୟକତା ରହିଛି ବୋଲି ଆରବିଆଇ ସୁପ୍ରିମକୋର୍ଟଙ୍କୁ କହିଛି।

The post କ୍ରିପ୍ଟୋ କରେନ୍ସି ଟ୍ରେଡିଂ କଟକଣା ହଟିଲା appeared first on Dharitri Odia News.



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here