ଏନ୍‌କାଉଣ୍ଟରରେ ପୁଲୱାମା ଆକ୍ରମଣର ମାଷ୍ଟରମାଇଣ୍ଡ ନିହତ

0
Advertisement

muddasir

ଶ୍ରୀନଗର: ଏନ୍‌କାଉଣ୍ଟରରେ ନିହତ ହୋଇଛି ପୁଲୱାମା ଆତଙ୍କବାଦୀ ଆକ୍ରମଣ ଘଟଣାର ମାଷ୍ଟରମାଇଣ୍ଡ ମୁଦାସୀର ଅହମଦ୍ ଖାନ୍‌। ତା’ ସହିତ ଜୈଶ୍‌-ଇ-ମହମ୍ମଦର ଆଉ ଦୁଇ ଜଣ ଆତଙ୍କବାଦୀ ମଧ୍ୟ ନିହତ ହୋଇଛନ୍ତି।

ଦକ୍ଷିଣ କାଶ୍ମୀର ତ୍ରାଲ୍ ଅଞ୍ଚଳରେ ଗତକାଲି ମଧ୍ୟରାତ୍ରରେ ହୋଇଥିବା ଏନ୍‌କାଉଣ୍ଟରରେ ମୁଦାସୀର ନିହତ ହୋଇଥିବା କୁହାଯାଉଛି।

ତ୍ରାଲର ପିଙ୍ଗଲିଶ୍‌ ଅଞ୍ଚଳରେ ମୁଦାସୀର ଓ ଆଉ କିଛି ଆତଙ୍କବାଦୀ ଥିବା ନେଇ ସୂଚନା ପାଇବା ପରେ ସୁରକ୍ଷାକର୍ମୀମାନେ ସେଠାରେ ସର୍ଚ୍ଚ ଅପରେସନ୍ ଆରମ୍ଭ କରିଥିଲେ। ଏହି ସମୟରେ ଆତଙ୍କବାଦୀମାନେ ଗୁଳି କରିଥିଲେ। ଏହା ପରେ ଦୁଇ ପକ୍ଷ ମଧ୍ୟରେ ଗୁଳିବିନିମୟ ହୋଇଥିଲା।

book mechanic

କମ୍‌ ଜଣାଶୁଣା ଜୈଶ୍ ଆତଙ୍କବାଦୀ ମୁଦାସୀର ଅହମଦ୍ ଖାନ୍‌ ପୁଲୱାମା ଘଟଣାର ମାଷ୍ଟରମାଇଣ୍ଡ ଥିଲା ବୋଲି ଗତକାଲି ସୁରକ୍ଷାକର୍ମୀଙ୍କ ନିକଟରୁ ସୂଚନା ମିଳିଥିଲା। ୨୩ ବର୍ଷୀୟ ମୁଦାସୀର ଜଣେ ଇଲେକ୍ଟ୍ରିସିଆନ୍‌। ସେ ସ୍ନାତକ ଡିଗ୍ରୀ ହାସଲ କରିବା ପରେ ଇଲେକ୍ଟ୍ରିକାଲ୍‌ରେ ଆଇଟିଆଇ କରିଥିଲା। ପୁଲୱାମାରେ ଆକ୍ରମଣ ପାଇଁ ସେ ଗାଡ଼ି ଓ ବିସ୍ଫୋରକ ବ୍ୟବସ୍ଥା କରିଥିବା ସମସ୍ତ ପ୍ରମାଣ ତଦନ୍ତକାରୀ ସଂସ୍ଥାକୁ ମିଳିଛି।

ସେ ୨୦୧୭ରେ ଜୈଶ୍‌ରେ ମିଶିଥିଲା। ନୂର ମହମ୍ମଦ ତାନ୍ତ୍ରୀ ନାମକ ଜଣେ ଆତଙ୍କବାଦୀ ତାକୁ ଜୈଶ୍‌ରେ ମିଶାଇଥିଲା। ତେବେ ୨୦୧୭ ଡିସେମ୍ବର ମାସରେ ନୂର ନିହତ ହେବା ପରେ ମୁଦାସୀର ୨୦୧୮ ଜାନୁଆରୀ ୧୪ତାରିଖରୁ ତା’ ଘରୁ କେଉଁଆଡ଼େ ଚାଲିଯାଇଥିଲା। ତା’ପରଠୁ ସେ ଘରକୁ ଫେରି ନ ଥିଲା।

ପୁଲୱାମାରେ ଆତ୍ମଘାତୀ ବିସ୍ଫୋରଣ ଘଟାଇଥିବା ଅଦିଲ ଅହମଦ ଦାର ସହିତ ମୁଦାସୀର ବରାବର ଯୋଗାଯୋଗରେ ଥିବା ପ୍ରମାଣ ମିଳିଛି।

୨୦୧୮ ଫେବୃଆରୀରେ ସୁଞ୍ଜୱାନାରେ ଆର୍ମି କ୍ୟାମ୍ପରେ ହୋଇଥିବା ଆତଙ୍କବାଦୀ ଆକ୍ରମଣରେ ବି ମୁଦାସୀର ସଂପୃକ୍ତ ଥିବା କୁହାଯାଉଛି। ଏଥିରେ ୬ ଜଣ ଯବାନ ସହିଦ ହୋଇଥିଲେ।ପୁଲୱାମା ଘଟଣାର ତଦନ୍ତ କରୁଥିବା ନ୍ୟାସ୍‌ନାଲ୍ ଇନ୍‌ଭେଷ୍ଟିଗେସନ୍ ଏଜେନ୍ସୀ (ଏନ୍‌ଆଇଏ) ଗତ ଫେବୃଆରୀ ୨୭ ତାରିଖରେ ତ୍ରାଲ୍‌ ଅଞ୍ଚଳରେ ଥିବା ମୁଦାସୀରର ଘରେ ଚଢ଼ାଉ କରିଥିଲା।

ସୂଚନାଯୋଗ୍ୟ, ଗତ ଫେବୃଆରୀ ୧୪ ତାରିଖରେ ପୁଲୱାମାରେ ହୋଇଥିବା ଆତଙ୍କବାଦୀ ଆକ୍ରମଣ ଘଟଣାରେ ୪୦ ଜଣ ସିଆର୍‌ପିଏଫ୍ ଯବାନ ଆହତ ହୋଇଥିଲେ।

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here