ଉପକୂଳ ସୁରକ୍ଷା ପାଇଁ ଜିଓ-ଟେକ୍ସଟାଇଲ ଟ୍ୟୁବ

0
Advertisement


ଭୁବନେଶ୍ୱର,୯-୨: ଉପକୂଳ ସୁରକ୍ଷା କ୍ଷେତ୍ରରେ ଜିଓ ଟେକ୍ସଟାଇଲ ଟ୍ୟୁବ ବେଶ ଉପଯୋଗୀ ସାବ୍ୟସ୍ତ ହୋଇଛି। କେନ୍ଦ୍ରାପଡା ଜିଲା ଉପକୂଳରେ ଏକ ଛୋଟିଆ ବସ୍ତି ପେନ୍ଥାଠାରେ ଉପକୂଳ ପ୍ରକଳ୍ପ ସୁରକ୍ଷା କ୍ଷେତ୍ରରେ ୩ ସ୍ତରୀୟ ଜିଓ ଟେକ୍ସଟାଇଲ ଉପଯୋଗ କରି ବେଶ ସଫଳ ହୋଇପାରିଛି। ରାଜ୍ୟରେ ଏହି ପ୍ରକଳ୍ପ ଗତ ୩ ବର୍ଷ ମଧ୍ୟରେ ସମ୍ପର୍ଣ୍ଣ ହୋଇଛି। ଫାଇଲିନ, ହୁଡହୁଡ ଏବଂ ଫନୀ ବାତ୍ୟା ସମୟରେ ଜିଓ ଟେକ୍ସଟାଇଲ ବ୍ୟବହାର ଦ୍ୱାରା ଉପକୂଳ ଅଞ୍ଚଳର ସୁରକ୍ଷାକୁ ଅଧିକ ନିଶ୍ଚିତ କରାଯାଇ ପାରିଛି। ସୁନାମୀ ତଥା ଉଚ୍ଚ ଜୁଆରରୁ ଉପକୂଳକୁ ସୁରକ୍ଷିତ ରଖିବାରେ ଏହା ବେଶ ସହାୟକ ହେଉଥିବା ଏଠାରେ ଏକ ଖବରଦାତା କାର୍ଯ୍ୟକ୍ରମରେ ବିଶେଷଜ୍ଞମାନେ କହିଛନ୍ତି। ଗୁରୁଓ୍ବାରେ ଟେକ୍ନିକାଲ ଫାଇବର ଲିମିଟେଡ ଏହି ପ୍ରକଳ୍ପକୁ ସ୍ଥାପନ କରିଛି। ଏହା ବିଶ୍ୱ ବ୍ୟାଙ୍କ ସହାୟତାରେ ନିର୍ମାଣ କରାଯାଇଥିବା ବେଳେ ଏଥିରେ ୩୫ କୋଟି ଟଙ୍କା ବିନିଯୋଗ ହୋଇଛି।
୨୦୧୯ ଏପ୍ରିଲ ବାତ୍ୟା ସମୟରେ ପେନ୍ଥା ଗାଁ ତଥା ନିକଟବର୍ତ୍ତି ଗଁାଗୁଡିକ ଜିଓ ସିନ୍ଥେଟିକ ଟ୍ୟୁବର ବ୍ୟବହାର ଯୋଗୁ ବିଶେଷ ପ୍ରଭାବିତ ହୋଇ ନ ଥିଲା। ଏହି ପ୍ରକଳ୍ପ ଦ୍ୱାରା ପେନ୍ଥା ତଥା ଏହାର ନିକଟବର୍ତ୍ତୀ ଗ୍ରାମଗୁଡିକରେ ୬ ହଜାର ହେକ୍ଟର ଜମିରେ ଲୁଣା ପାଣି ମାଡିବାକୁ ପ୍ରତିରୋଧ କରାଯାଇଥିବା ଗୁରୁଓ୍ବାରେ ଟେକ୍ନିକାଲ ଫାଇବର ଲିମିଟେଡର ଜିଓ ସିନ୍ଥେଟିକ୍‌ ଡିଭିଜନ ସଭାପତି ତିରୁ କୁଲକର୍ଣ୍ଣୀ କହିଛନ୍ତି। ପେନ୍ଥା ପ୍ରକଳ୍ପ ସମୁଦ୍ରରେ ବନ୍ଧ କାର୍ଯ୍ୟ ସମ୍ପର୍ଣ୍ଣ କରିଥାଏ। ଏହାକୁ ରାଜ୍ୟ ଜଳସମ୍ପଦ ବିଭାଗ ଦ୍ୱାରା ଆରମ୍ଭ କରାଯାଇଛି। ଏହାର ଡିଜାଇନ ଏବଂ ପ୍ରକଳ୍ପ ପରିଚାଳନା ପରାମର୍ଶ ମାଡ୍ରାସ ଆଇଆଇଟି ଦ୍ୱାରା କରାଯାଇଛି। ପେନ୍ଥାର ବସ୍ତି ବାସିନ୍ଦାଙ୍କୁ ସୁରକ୍ଷା ଦେବା ଏହି ପ୍ରକଳ୍ପର ମୁଖ୍ୟ ଉଦ୍ଦେଶ୍ୟ। ୪୫୫ ମିଟର କ୍ଷେତ୍ରକୁ ଏହି ପ୍ରକଳ୍ପ ଦ୍ୱାରା ସୁରକ୍ଷା ପ୍ରଦାନ କରାଯାଉଛି। ଜିଓ ଟ୍ୟୁବ ପରିବେଶ ଉପରେ କୌଣସି ପ୍ରତିକୂଳ ପ୍ରଭାବ ପକାଇ ନ ଥାଏ। ବିଶ୍ୱ ବ୍ୟାଙ୍କ ସହାୟତାରେ କେନ୍ଦ୍ର ସରକାରଙ୍କ ସମନ୍ବିତ ଉପକୂଳ ଜୋନ ପରିଚାଳନା ପ୍ରକଳ୍ପ ଅନ୍ତର୍ଗତ ଉକ୍ତ ପ୍ରକଳ୍ପ କାର୍ଯ୍ୟକାରୀ କରାଯାଇଛି।

The post ଉପକୂଳ ସୁରକ୍ଷା ପାଇଁ ଜିଓ-ଟେକ୍ସଟାଇଲ ଟ୍ୟୁବ appeared first on Dharitri Odia News.



Source link

Visit Our Youtube Chanel and Subsribe to watch public Survey : ( ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ ଏବଂ ସର୍ବସାଧାରଣ ସର୍ଭେ ଦେଖିବା ପାଇଁ ସବସ୍କ୍ରାଇବ କରନ୍ତୁ: ) - Click here : Public voice Tv
ADVT - Contact 9668750718 ( Rs 5000 PM + 10 more digital campaign )
ADVT - Contact 9668750718 ( Rs 5000 PM + 10 more digital campaign )

LEAVE A REPLY

Please enter your comment!
Please enter your name here